Յոթ ախտանշան, որոնք կարող են հուշել կանանց շրջանում ամենատարածված քաղցկեղի մասին

Արգանդի վզիկի քաղցկեղը կանանց շրջանում այս հիվանդության ամենատարածված տեսակներից մեկն է: Սա դասվում է այն հիվանդությունների շարքին, որոնց վաղ ախտորոշումը զգալիորեն բարձրացնում է բարեհաջող բուժման հավանականությունը, սակայն խնդիրն այն է, որ շատ հաճախ կանայք անուշադրության են մատնում հիվանդության մասին հուշող ախտանշանները կամ վերագրում են դրանք այլ խանգարումներին, ինչի հետևանքով չարորակ նորագոյացությունները չափազանց ուշ են հայտնաբերվում։

Նման խնդիրներից խուսափելու համար մասնագետները ներկայացրել են յոթ արտասովոր ախտանշան, որոնք կարող են պայմանավորված լինել արգանդի վզիկի քաղցկեղով: Այս ախտանշաններն իմանալը թույլ կտա ժամանակին հայտնաբերել խնդիրն ու միջոցներ ձեռնարկել դրանից ազատվելու համար:

Դաշտանային ցիկլի խանգարումներ Դաշտանային ցիկլի խանգարումներն անհանգստության լուրջ պատճառ պետք է դառնան յուրաքանչյուր կնոջ համար։ Այս ախտանշանը ոչ միշտ է պայմանավորված լինում արգանդի վզիկի քաղցկեղով և կարող է հուշել միզասեռական համակարգի հետ կապված մեկ այլ խնդրի զարգացման մասին, սակայն ցանկացած պարագայում սա այն ախտանշանն է, որը ոչ մի դեպքում չի կարելի անուշադրության մատնել։

Արյունահոսություններ սեռական ակտից հետո Եթե նման արյունահոսությունները պայմանավորված են դաշտանային ցիկլով, ապա անհանգստանալու կարիք չկա, սակայն եթե յուրաքանչյուր սեռական ակտը հանգեցնում է արյունահոսության, ապա հարկավոր է անհապաղ բուժզննում անցնել, քանի որ խնդիրը կարող է պայմանավորված լինել լուրջ խանգարումներով, այդ թվում՝ արգանդի վզիկի քաղցկեղով։

Արյունահոսություններ դաշտանադադարից հետո Դաշտանադադարից հետո սեռական օրգաններից արյունահոսություն չպետք է լինի, ուստի նման խնդրի առկայությունը հուշում է շատ վտանգավոր խնդիրների մասին։ Նման դեպքերում հարկավոր է անհապաղ բուժզննում անցնել, քանի որ խնդիրը կարող է պայմանավորված լինել արգանդի վզիկի քաղցկեղով կամ այլ վտանգավոր հիվանդությունով։

Արյունահոսություններ հեշտոցի ներլվացումներից հետո Առաջին հերթին մասնագետները նախազգուշացնում են, որ նման պրոցեդուրաները շատ վտանգավոր են, ուստի դրանցից հարկավոր է խուսափել։ Այնուամենայնիվ եթե նման ներլվացումներից հետո նկատվում է արյունահոսություն, ապա հարկավոր է անհապաղ դիմել մասնագետին ու բուժզննում անցնել, քանի որ այն կարող է շատ վտանգավոր ախտանշան լինել։

Արյունահոսություններ գինեկոլոգիական բուժզննումից հետո Գինեկոլոգիական բուժզննումից քիչ անց արյունահոսության առկայությունը հուշում է որևէ վարակի կամ սեռական օրգանների ուռուցքի մասին, ուստի նման ախտանշան նկատելու դեպքում հարկավոր է անպայման ևս մեկ անգամ խորհրդակցել բժշկի հետ։

Տհաճ զգացողություններ հեշտոցի հատվածում Հեշտոցային արտասովոր արտադրությունը, տհաճ հոտն ու արտադրության մեջ որոշակի քանակությամբ արյան առկայությունը, ինչը կապված չէ դաշտանի հետ, նույնպես կարող է պայմանավորված լինել արգանդի վզիկի քաղցկեղով, ուստի նման խնդիրների դեպքում հարկավոր է անպայման դիմել բժշկին։

Արտասովոր ցավեր Ցավոտ զգացողություններով ուղեկցվող սեռական ակտը, մեջքի, ոտքերի կամ կոնքի ցավերը, հոգնածության զգացումը, քաշի կորուստը, ախորժակի հետ կապված խնդիրներն ու անգամ ոտքերի այտուցվածությունը ևս կարող են պայմանավորված լինել արգանդի վզիկի քաղցկեղով, ուստի նման արտասովոր ախտանշանների առկայության դեպքում մասնագետները խորհուրդ են տալիս անպայման բուժզննում անցնել։

Նշված ախտանշանները ոչ միշտ են պայմանավորված լինում արգանդի վզիկի քաղցկեղով, ուստի խուճապի մատնվելու կարիք չկա, սակայն դրանց առկայությունն այնուամենայնիվ հուշում է անհապաղ մասնագետին դիմելու և բուժզննում անցնելու անհրաժեշտության մասին, քանի որ օրգանիզմում տեղի ունեցող ցանկացած ախտաբանական փոփոխություն միշտ իր պատճառն է ունենում։

Վերոնշյալ ախտանշաններից մեկի կամ մի քանիսի առկայության դեպքում հարկավոր է անպայման խորհրդակցել բժշկի հետ և բուժզննում անցնել խնդրի պատճառը պարզելու և անհրաժեշտության դեպքում բուժումն սկսելու համար։ Հարկ է հիշել, որ ոչ մի դեպքում չի կարելի զբաղվել ինքնաբուժությամբ, քանի որ դա կարող է շատ վտանգավոր լինել և էլ ավելի վատթարացնել հիվանդի վիճակը։

Բացի այդ, միայն փորձառու մասնագետը կկարողանա պարզել խնդրի պատճառն ու նշանակել անհրաժեշտ բուժումը, որը կլինի արդյունավետ ու չի առաջացնի կողմնակի բարդություններ:

Միևնույն ժամանակ մասանագետները նախազգուշացնում են, որ սեռական ակտիվ կյանք վարող ցանկացած կին պետք է պարբերաբար բուժզննում անցնի առողջական խնդիրներից ու վարակներից խուսափելու համար։ Ընդ որում՝ սեռական ակտիվ կյանք վարելու դեպքում հարկավոր է բուժզննում անցնել անկախ ախտանշանների առկայությունից։

աղբյուր

Понравилась статья? Поделиться с друзьями:
ENTERTAINMENT BLOG
Яндекс.Метрика